Agtultuloy ti imbestigasyon ti Civil Aviation Authority of the Philippines iti napasamak a plane crash sadiay Barangay Libsong East, Lingayen, Pangasinan idi napalabas a bulan.
Kagiddan ti imbestigasyon ti rason ti nasao nga insidente ket nasuspindir ti Cessna training aircraft flights ti Pilipinas Space ken Aviation Academy Inc.
Nabigbig met dagiti casuaty, no sadino maysa kadagitoy ket maysa nga Igorot a Polito, ni Pilot Flight Captain Nikko “Dogaong” Padawag Manogan, 31-anyos, tubo ti Banga-an, Sagada.
Maibasar iti report, kadua ni Manogan ni Bryan Allen Ocang ti San Ildefonso, Bulacan, maysa nga student-pilot a mangipatpatungpal iti normal training wenno maintenance flight.
Iti panagland dagitoy iti runway ti Lingayen Airport ket napasamak ti insidente.
Dagus met a naitaray dagitoy iti pagagasan ngem naideklara dagitoy a pimmusay.
