--Ads--
Kinumpirmar dagiti maseknan nga opisiales sadiay Texas a dumanunen iti agarup 67 dagiti pimmusay gapu iti panaglayus iti nasao a lugar.
Maibasar iti datos, 59 ti pimmusay idiay Kerr County, uppat iti Travis; tallo sadiay Burnet County ken maysa iti Kendall County.
Mainaig iti dayta, agtultuloy ti panangsapul dagiti otoridad kadagiti agarup 11 a Campers a mapukpukaw.
Karaman kadagitoy ti maysa a counselor.
Kabayatanna, kinuna ni Lt. Gov. Dan Patrick, a posible a ngumato ti bilang dagiti pimmusay bayat nga agtultuloy ti maipatpatungpal a search and rescue operations.
