Pimmusay ti pito a mapapati a miembro ti New People’s Army (NPA) iti panagrinnupak kadagiti kameng ti gobierno sadiay Pantabangan, Nueva Ecija idi laeng kalman nu sadinno, kinumpirmar laeng dagiti otoridad ita nga aldaw.
Sigun iti Philippine Army, saan pay a nabigbig dagiti pimmusay nga indibidual bayat nga awan ti nairekord a pimmusay manipod iti tropa ti gobierno.
Narekober manipod iti napasamak a panagrinnupak ti sumagmamano a “high-powered firearms” idiay Barangay Malbang, sigun iti 703rd Infantry Brigade (703IB) iti Philippine Army.
Karaman kadagiti narekober ket ti M14 rifles, innem nga M16 rifles, maysa nga M16 nga addaan ti M203 attached rifle, maysa a low-powered firearm, dokumento, ken sumagmamano a kagawaan.
Agtultuloy met latta ti operasion dagiti kameng ti nasao nga ahensia tapno maipasigurado ti kintalged ti publiko iti nasao a lugar.
Nangiyuswat ti 84th Infantry Battalion (84IB) iti “combat operations” kontra kadagiti rebelde a grupo a Komiteng Rehiyong Gitnang Luzon gapu iti maatap a panangbutbutengda kadagiti residente iti nasao a lugar.
Sigun kenni 84IB commanding officer Lieutenant Colonel Jerald Reyes, nalapdanda ti panangimpluwensiada iti publiko ken kinamatda ti nasao a grupo manipod Aurora province agingga Nueva Vizcaya, ken iti Nueva Ecija.
Impasigurado ti komander ti 703IB a ni Brigadier General Joseph Norwin Pasamonte a natibker ti takderda iti panangpreserba ti talna, nga ar-aramidenda iti adu a tawen.
