--Ads--
Umap-apela ni Pope Francis tapno agpatengga ti kinaranggas ken ti panangpapatay kadagiti sibilian iti North Kivu, maysa a probinsya iti Eastern Democratic Republic idiay Congo.
Itay nabiit, pimmusay dagiti pito nga indibidual kalpasan a nagprotesta dagiti dadduma kontra iti masansan a panag-atake dagiti maatap nga Islamist rebelde sadiay.
Sigun kenni Pope Francis, agtultuloy latta dagiti nakalkaldaang a damag iti nasao a lugar, isu’t gapuna nga aw-awaganna dagiti national authorities ken dagiti international community tapno agaramidda iti solusyon tapno maisardeng ken maprotektaran ti biag dagiti sibilian.
Kabayatanna, umap-apela metlaeng daytoy para iti kinatalna idiay Ukraine, Israel, Gaza, Sudan, Myanmar ken dagiti dadduma pay lugar.//Rose
