Binaliwan ni President Ferdinand ”Bongbong” Marcos Jr. ti komposisyon ti National Security Council, ken inikkatna ni VP Sara Duterte ken dagiti napalabas a presidente kas miembro.
Iti panangpirmana iti Executive Order No. 81, kinuna ni President Marcos a kasapulan ti ad-adda a panangipatalged nga agtalinaed ti NSC a naandur nga institusion, ken dadduma pay a rason.
Babaen ti kaudian a direktiba ni Marcos, buklen ti NSC dagiti sumaganad:
President as chairperson;
Senate President;
Speaker of the House of Representatives;
Senate President Pro-Tempore;
Three Deputy Speakers to be designated by the Speaker;
Majority Floor Leader of the Senate;
Majority Floor Leader of the House;
Minority Floor Leader of the Senate;
Minority Floor Leader of the House;
Chairperson, Senate Committee on Foreign Relations;
Chairperson, Senate Committee on National Defense and Security, Peace, Unification and Reconciliation;
Chairperson, Senate Committee on Public Order and Dangerous Drugs;
Chairperson, House Committee on Foreign Affairs;
Chairperson, House Committee on National Defense and Security;
Chairperson, House Committee on Public Order and Safety;
Executive Secretary;
National Security Adviser;
Secretary, Department of Foreign Affairs;
Secretary, Department of Justice;
Secretary, Department of National Defense;
Secretary, Department of the Interior and Local Government;
Secretary, Department of Labor and Employment;
Chief Presidential Legal Counsel;
Secretary, Presidential Communications Office;
Head, Presidential Legislative Liaison Office; ken
Dagiti dadduma pay nga opisial ti gobierno ken pribado nga umili a mabalin a dutokan wenno ituding ti Presidente iti aniaman nga oras.
Kabayatanna, buklen ti executive committee dagiti sumaganad:
President as chairperson;
Executive Secretary;
Senate President or his representative;
Speaker of the House of Representatives or his representative;
National Security Adviser;
Secretary, Department of Foreign Affairs;
Secretary, Department of Justice;
Secretary, Department of National Defense;
Secretary, Department of the Interior and Local Government; ken
Dagiti dadduma pay a kameng wenno mamalbalakad a mabalin nga ituding ti Presidente iti aniaman nga oras.
Ti Executive Order No. 330 a naipaulog idi Hulio 1, 1950 ket nangpartuat ti NSC, sigun ti Presidential Communications Office.
Iti sabali a bangir, ti Executive Order No. 115 a naipaulog idi Disiembre 24, 1986 ket nangorganisar manen ti NSC ken nangikeddeng ti pannakaikameng (membership), dagiti trabaho (functions), ken turayna (authority).
Iti sidong ti Executive Order No. 34 ni sigud a President Gloria Macapagal-Arroyo, paset ti Vice President iti pannakabukel ti NSC.
Iti agdama, awan pay ti rason nga impaay ti PCO seknan iti panangorganisar manen ti NSC.
