Aw-awagan ni President Ferdinand ”Bongbong” Marcos Jr. ita nga aldaw ti publiko pakairamanan dagiti Muslim nga agbalin a natured iti baet ti pangta ti seguridad iti pagilian.
Iti mensahe ti presidente para iti Eid’l Adha, impaganetget ni Marcos kadagiti amin nga umili a dumakkel dagitoy iti sirib ken kinatibker iti tengnga dagiti karit a mapaspasaran.
Dinakamatna pay a ti panagrambak ti Eid’l Adha ket panawen wenno gundaway dagiti Pilipino a mangpapunot iti biag ken sarita ni Ibrahim a ti natibker a pammatina para ken Allah ket nagbalinen a “core vitues” iti sursuro ti Islamic.
Kanayunanna, kinuna pay ni President Marcos Jr a ti okasion ket pananglagip dagiti Pilipino nga adda ti magun-od iti panagsuko ken ti aramid a panangipalubos karaman dagiti tatto ken banag nga ipatpateg unay.
Kiddaw pay ti presidente iti publiko ti panagtultuloy a panangipakita ti kinasayaat iti aglawlaw.
Kabayatanna, ti Eid’I Adha wenno ti Feast of Sacrifice ket kangrunaan a “holiday” a ramrambakan dagiti Muslims iti intero a lubong iti tallo agingga uppat nga aldaw nu sadinno kaaduan kadakauda ket makipasetda iti napateg a panagkararag iti “mosque” iti “Islamic centers” iti intero a lubong.
Maibilang pay daytoy kas maikadua kadagiti dua a piesta dagiti Muslim nu sadinno, ti umuna ket ti Eid’l Fitr.
