Impakaammo ti Malacañang nga adda paylaeng ti panagtalek ni President Ferdinand Marcos Jr. kenni Department of Public Works and Highways (DPWH) Secretary Manuel Bonoan.
Daytoy ket iti baet dagiti kontrobesia seknan iti maatap a ghost ken anomalya ti flood control projects ti DPWH.
Sigun kenni Palace Press Officer Claire Castro, awan paylaeng ti binanggit ti Presidente iti anya man nga aksion mainaig kenni Secretary Bonoan.
Kabayatanna, inlawlawag ni Castro nga awan ti binalikas ni President Marcos Jr. seknan iti kinuna ni Sen. Panfilo Lacson nga arigna a masya a dakkel a criminal syndicate ti DPWH.
Innayon ni Castro nga awan ti binalbalikas ni Marcos kadagiti karaman iti maatap nga anomalya agsipudta, liklik-likan ti Presidente a mairaman dagiti inosente a tao.
