--Ads--
Guyguyuguyen ni President Ferdinand Marcos Jr. dagiti Pilipino a tulunganda dagiti agrekrekober a naapektaran ti naglabas a bagyo ken ti kaudian a napasamak nga uram bayat nga umas-asideg ti panagrambak ti Paskua.
Kabayatan ti Christmas Tree Lighting Ceremony iti Malacañang Palace, kinuna ni Marcos a tarigagayna a ti tunggal Pilipino ket “mariknana ti Christmas.”
Maipalagip a sipud idi Oktubre, innem a tropical cyclones ti nagsasaruno a nakastrek iti Philippine Area of Responsibility pakairamanan ni Kristine, Leon, Marce, Nika, Ofel, ken Pepito.
Nasurok 4.316 milion a tattao ti naapektaran ti bagyo a Nika, Ofel, ken Pepito, maibasar iti kaudian a report ti National Disaster Risk Reduction Management Council.
