Impakaammo ti Department of Trade and Industry (DTI) a posible a ngumato ti presyo dagiti sumagmamano a gagatangen kalpasan ti Abril 16.
Daytoy ket kalpasan iti temporaryo a price freeze agreement iti nagbaetan dagiti manufacturers ken retailers.
Sigun kenni Trade Secretary Cristina Roque, awan ti panagngato ti presyo dagiti basic needs ken prime commodities agingga Abril 16 ngem manamnama nga kalpasan iti nasao a petsa, adda dagiti adjustments kadagiti presyo dagitoy.
Nupay kasta, impanamnama ti nasao nga ahensiya nga agtalinaed ti presyona dagiti agarup 200 basic goods pakairamanan dagiti de-lata, gatas, kape, sabon, ken bottled water.
Nagbalaag pay ti nasao nga ahensya kontra iti hoarding ken profiteering ken impettengda a nainget a maipatumpal ti Price Act kadagiti aglabsing iti daytoy. //bombokaren.c.s
