--Ads--
Naideklara ita ti 60 nga aldaw a price freeze sadiay Tuba, Benguet kalpasan a naideklara daytoy iti sidong ti State of Calamity gapu kadagiti naglabas a bagyo.
Gapu iti dayta, naipakaammo kadagiti amin a consumers ken retailers nga otomatiko met a maipatungpal ti price control a nag-epektibo idi July 31, 2025.
Dagiti produkto nga impasidong ti Department of Trade and Industry’s (DTI) iti price freeze ket pakairamanan dagiti Canned fish ken dadduma pay a marine products, Processed milk (evaporated, condensed, and powdered milk), Coffee refill ken 3-in-1, Laundry/ detergent soap, kandila, tinapay, asin, instant noodles, ken bottled water.
Agtalinaed daytoy iti innem a pulo nga aldaw agingga a sumayaat ti kondisyon sadiay.
