BAGUIO CITY – Dumurdur-as ti vegetable production sadiay Bauko, Mountain Province.
Sigun iti Department of Agriculture (DA)-Cordillera, agserserbi a source of income dagiti mannalon sadiay ti panagmula iti nateng.
Kinuna ti ahensia a nasursuro dagiti mannalon sadiay ti maipapan iti organic vegetable farming.
Nupay kasta, impeksa dagiti mannalon nga agtaltalinaed a parikotda ti idadalapus dagiti kalamidad a mangap-apektar iti mulada.
Gapu iti daytoy, timmulong ti Philippine Rural Development Project ti DA babaen iti small livelihood project approach ti Investments in Rural Enterprises and Agriculture and Fisheries Productivity Component.
Inlawlawag ti DA a babaen iti daytoy ket matulungan dagiti mannalon a naapektaran ti mulada gapu kadagiti bagyo a simmangbay.
