Indauloan ti baro a nadutukan nga officer-in-charge ti Department of Justice a ni Fredderick Vida ti umuna a flag ceremony kas dadaulo ti nasao nga ahensia.
Daytoy ket kalpasan a sinukatanna ni sigud a Justice Secretary Jesus Crispin ‘Boying’ Remulla ken dinutukan ni President Ferdinand ‘Bongbong’ Marcos Jr. para iti posision.
Kalpasan ti flag ceremony, simmaruno ti umuna a panangparangna ni Justice Officer-in-charge Vida iti media nu sadinno, impasiguradona nga ituloyna ti serbisio ken pagrebbenganna iti Department of Justice.
Impasiguradona pay nga agpokus daytoy iti nagduduma nga isyu ken kaso nga ig-igeman ti ahensia a kas ti ‘missing sabungeros’ ken ti naanomalyaan a flood control projects.
Iti agtultuloy nga imbestigasion ti ahensia seknan iti naanomalyaan a flood control projects, inkarina a saan daytoy a mailaksid nu diket maipaayan ti atension.
Kagiddan kadagiti nasao a banag, kiniddawna iti publiko nga agibati ti talek uray bassit laeng para iti gobierno iti baet dagiti isyu ti korapsion.
Kinunana nga aramidenna ti amin a kabaelanna tapno mapabasol dagiti responsable ken mangnamnama a mangipila iti kaso iti kabiitan a panawen.
“Umasa po kayo, magtira pa kayo ng kahit po kapirasong pang tiwala. Tiwala sa mga puso niyo mga minamahal kong kababayan na ginagampanan po ng administrasyong ito sa ilalim po ng pamumuno ng ating minamahal na pangulo.”
“Ang tagubilin po ay kung saan pupunta ang ebidensya. At isasalang po natin, at pananagutin ang dapat managot.”
epartment of Justice Officer-in-charge Fredderick Vida.
