Maal-allukoy ti publiko a makipaset iti 12th Gong Festival iti siudad ti Baguio a maipatungpal sadiay Melvin Jones inton Oktubre sais iti agdama a tawen.
Marambakan daytoy iti tema a “Gongs for Peace: A Harmony of Heritage and Ancestral Reverence.”
Maisingsingasing kadagiti makipaset iti nasao nga aktibidad nga agusarda iti tapis ken bahag, ti indigenous a kawes dagiti Igorot.
Iti daytoy a piyesta, maimatangan ti nabaknang a kultura ti rehiyon Cordillera gapu ta maipakita ti indigenous dance dagitoy kagiddan ti panakatukar dagiti gangsa.
Malaksid iti dayta, maital-o dagiti nagduduma a produkto kas iti mugs, pendants, ken nagduduma a produkto.
Kabayatanna, maipatungpal ti Indigenous games inton Oktubre a trese iti agdama a tawen sadiay metlang Melvin Jones, Baguio City.
