BAGUIO CITY – Dumandanon iti P2.5-M tunggal aldaw ti mapukpukaw dagti mannalon partikular dagiti mannalon iti La Trinidad, Benguet kalpasan ti panagserrek dagiti maipuspuslit nga carrots iti merkado ita nga tawen.
Daytoy ti imbinsa-binsa ni ,” Agot Balanoy, pannakangiwat ti Liga dagiti Asosasyon ti Mannalon iti La Trinidad Vegetable Trading Post kabayatan ti naangay a panagdengeg ti Senate Committe of the Whole mainaig iti isyu ti dagiti smuggled a nateng iti pagilian.
Sigun kenni Balanoy, bimmaba iti 20 agingga 40% ti maaw-awatda nga orders manipd kadagiti nagduduma nga merkdo nangrugi idi napan a tawen gaputa nadoble ti volume dagiti smuggled carrost kadagiti merkado publiko.
Kinunana a bumasbassit ti bilang dagiti consumers nga aggat-gatang ti carrost manipod kadagiti local vegetable growers agsipodta pilienda a gatangen dagiti maipuspuslit a nateng manipod China.
Imbinglayna a karaman iti rason dagiti consumers ket mabalin a maidulin agingga iti dua nga bulan dagiti carrots manipod China ken saan unay dagitoy a madadael nu idilig iti Benguet carrots a nalaka a madadael iti las-ud ti dua agingga 3 nga aldaw.
Mangituntunda met daytoy iti panangibelleng laengen dagiti mannalon iti saan a mailako nga apit dagitoy wenno libre a maiwarwaras.
Iti sungbat met ni Senate President Vicente Sotto III, kas presider ti nasao a panagdengeg, inyunay-unayna a dagiti imported carrots manipod China ket posible nga addaan iti chemicals kas iti formalin a posible a rason iti nabayag nga shelf life dagitoy.
Impeksana pay ti naawat nga impormasyon ti Senate panel seknan ti maatap a saan nga agtutunos nga agricultural import records ti Department of Agriculture ken ti Bureau of Customs.
Nagkalintegan met ti maysa nga opsiyal ti DA a saanda mabalin a mangipatungpal ti kaudian wenno real-time monitoring dagiti import records gaput saa nga gully automated ti database dagitoy.
Iti baet a mabalin nga umapela manen ti Senate Committee tapnu marisot ti isyu kadagiti maipuspuslit nga produkto, kinuna ni Sotto nga akem ti executive department ti maudi a desisyon iti nasao a banag.
