--Ads--
BAGUIO CITY – Pimmusay ti maysa nga pulis a taga-Benguet kalpasan a naaksidente ti naglugananna a motorsiklo iti EDSA north bound lane sadiay Makati City itay parbangon.
Nabigbig daytoy a ni Jumar Wallace Abag, agtawen iti duapulo ket tallo, residente ti Eddet, Kabayan, Benguet ken nakadestino iti Caloocan City Police Station.
Maibasar iti report ti Souther Police District, daldalyasaten ti biktima ti Edsa North bound lane ken idi makagteng iti Strella Footbridge ket naaksidente daytoy.
Naitaray daytoy iti Saint Lukes Hospital sadiay Taguig City ngem naideklara a dead on arrival.
Naamuan nga agturpos kuman ni Abag iti Field Training Program ti PNP ngem daksanggasat ti nasapamak ti nasao nga aksidente.
