Nailukat manen ti aplikasyon para iti PUV consolidation iti sidong ti Public Transport Modernization Program (PTMP) agingga inton Nobyembre bente nuebe, iti agdama a tawen.
Sigun kenni Land Transportation Franchising and Regulatory Board Chairperson Teofilo Guadiz III, mabalinen a mangipila iti aplikasyon dagiti unconsolidated public utility vehicle drivers ken operators para iti nasao a consolidation.
Kinuna ni Guadez a nailukat manen daytoy ken agpaut iti uppat a pulo ket lima nga aldaw kas sungbat iti kiddaw ti senado.
Mailagip a nangrugi daytoy idi laeng Oktubre a kinse.
Nupay kasta, impetteng ni Guadiz a dagiti unconsolidated PUV drivers ken operators ket saandan a mabalin a mangbukel iti bukodda a kooperatiba no diket mabalin laeng a makipaset dagitoy kadagiti dadduma a cooperatives.
Kabayatanna, al-allukuyenna met dagiti saan pay a nakapagconsolidate tapno makipaset iti government’s modernization program tapno makaawat dagitoy iti benepisyo kas ti P10,000 a fuel subsidy ken P15,000 agingga P20,000 a service contracting para iti Libreng Sakay program.