BAGUIO CITY -Manayonan ti pwersa dagiti contact tracers nga agserbi sadiay La Trinidad, Benguet kagiddan ti agtultuloy a panagngato ti kaso iti covid-19 sadiay.
Sigun kenni Mayor Romeo Salda, agnayun dagitoy iti 16 a contact tracers a maiwaras kadagiti amin nga barangay tapno mapapartak ti contract tracing efforts ti nasao nga ili.
Kinunana a tumulong metlaeng dagitoy a mangisayangkat iti disinfection kadagiti pagtaengan dagiti covid-19 patients.
Innayona a nangilatang ti lokal a gobierno iti pondo para iti sweldo dagiti kanayunan a contact tracers.
Iti agdama, dumanon iti 28 a contact tracers ti agserserbi iti munisipyo.
Maipalagip a kidkiddawen ni Municipal Health Officer Dr. Antonette Agpas ti panakanayon ti bilang dagiti contact tracers dagitoy a dagos met a pinatgan ti loklal a gobierno.
Kabayatana, naminsan manen nga inyapela ti mayor ti nainget a panagtungpal dagiti umili kadagiti minimum health standards kontra iti COVID19**withpatrol5
