BAGUIO CITY – Naipatungpal ti rally-protest kas pamaneknek a saan nga amin a transport sector ket umanamong iti consolidation program iti siudad ti Baguio.
Daytoy ket kas contribution ti PISTON ken Baguio-Benguet Movement against Jeepney Phase Out iti napasamak a nationally coordinated protest action nationwide idiay Manila.
Iti panakiuman ti Bombo Radyo kenni Mike Cabangon, convenor ti Baguio-Benguet Movement against Jepneey Phaseout, impatungpalda ti rally kas panagsuporta iti nasao nga aktibidad.
Impettengna a ti kilos protesta ket ibagbagana a napwersa dagitoy a sumrek iti consolidation gapu iti maatap a panagbutbuteng ken panangallilaw.
Nagrugi ti aktibidad iti oras ti alas nwebe ti agsapa manipud Sunshine Park agingga iti opisina ti Department of Transportation nu sadino nangisubmitirda metlaeng ti kaskenan a papeles nu sadino karaman ditoy ti petition, ken testamento a mangibagbaga a saanda a pabor ken daduma pay.
Innayona nga agtultuloy ladta ti panagpalawag ken panagkumbinsir dagiti perator ken driver tapno tubngaren ti modernization program kadagiti sumarsaruno nga aldaw.
Iti sabli a bangir, saanda metlaeng a pabor iti local transport route plan gapu ta ikeddengna ti bilang dagiti agtaray a lugan ken rota nu sadino manipud iti uppat a pulo ket innem a rota ket nagbalinen a tallo pulo ket maysa developmental route.
Impaganetget ni Cabangon a ti jeep laeng ti kabaelan iti umili wenno kalakaan a public transport a pagluganan dagiti umili nu sadino saan a daytoy ti rason iti mapaspasaran a nailet a gunay ti trapiko iti sidad.
Maipalagip a nagpirma ti dua pulo ket dua a Senado para iti panakasuspendir ti panakaipatungpal ti Public Utility Modernization Program (PUMP) wenno Public Transport Modernization Program.
