Nakabalud ita babaen iti comment order ti maysa nga agtawen iti 38 a lalaki gapu iti panaglabsingna iti Batas Pambansa Bilang 22 (Checks without sufficient funds).
Daytoy ket maysa a real estate agent, awanan iti asawa, ken residente iti Lower West Purok 2, Amistad Camp7, Baguo City.
Natiliw ti nasao nga indibidwal iti maysa a gas station idiay Legarda, Baguio City babaen metlaeng iti bileg iti Warrant of Arrest a naipaiyulog manipod iti maseknan a korte.
Immuna a naiturong ti nasao a real estate agent iti Baguio City Police Office- Police Station 8 para iti panakaipatungpal iti dokumentasyon ngem naiturong daytoy iti BJMP-Male Dormitory iti Baguio City iti kapada metlaeng nga aldaw.
Ti panakatiliw ti suspect ket babaen iti nagtitipon a pwera iti Baguio City Police Office-Police Station 8, Criminal Interdiction Unit, Criminal Investigation and Detection Management Unit(CIDMU), TSC- RMFB 15, ken ti Police Station 7.//Bombo Noveh Organo
