Impaserra iti Department of Migrant Workers ti maysa a recruitment agency ken maysa a travel agency idiay Manila gapu iti maatap a panagkinnunchabada tapno makaguyugoy kadagiti mangged iti ballasiw-taaw nga uray awan a talaga iti active job order.
Sigun iti report,nagreklamo ti maysa a biktima kadagiti otoridad gapu ta saan pay a naideploy daytoy kas fruit picker iti saanen nadakamat a pagilian nu sadino, nagapply iti maysa a recruitment agency ken nakapagbayaden iti PhP100,000 a placement fee.
Naduktalan a peke dagiti dokumento nga impaay ti nasao nga agency kenkuana ngem idi pinadas dagiti otoridad nga agturong iti maseknan nga agency ket awan iti tao iti opisinada rason a naipaayan iti closure order.
Mainaig iti dayta, naipasara metlaeng ti kakunchaba daytoy a travel agency ken naarestar ti nakatransaksyon iti maysa a police asset a nangipatungpal iti maysa nga operasyon para iti nasao a kaso.
