--Ads--
BAGUIO CITY – Pakabuklan a dua pulo ket maysa ti K9 units wenno Police Service dog (PSD) iti rehiyon Cordillera.
Pakairamanan daytoy dagiti exclusive detection dogs, narcotic dogs, search and rescue dogs ken combat tracking dogs.
Sigun kenni PSSg. Randy Angday, dakkel ti tulong dagiti nadakamat nga aso kadagiti operasyon dagitoy.
Dinakamatna a manamnama a manayonan pay dagiti narcotic dogs inton umay a tawen gapu iti ngumatngato a kaso ti iligal a droga iti rehiyon.
Inlawlawag met ni PSSg. Angday a ti panangpilina kadagiti aso nga agserbi kas police dog ket dagiti nalaka a masuroan.//Wilmea Pacpacan
