Isingsingasing ti municipal government ti La Castellana idiay Negros Occidental ti permanente a pannakaiyalis dagiti residente iti agarup 4 kilometers Permanent Danger Zone (PDZ) ti Mt. Kanlaon Volcano.
Sigun kenni Mayor Rhummyla Nicor-Mangilimutan ti nasao a singasing ket kas maibasar iti rekomendasyon ti Office of the Civil Defense (OCD) gapu paylaeng ti pangta ti nasao a bulkan.
Nupay kasta, saan dagitoy a kabaelan ti gastos para iti nasao a relocation dagiti naapektaran a residente.
Gapu iti daytoy, kinuna ti nasao nga opisyal nga agkiddawda iti suporta ken tulong iti national government para iti permanente a pannakaiyalis dagiti evacuees.
Maibasar iti datos agarup tallo pulo a pagtaengan manipud kadagiti tallo a barangay ti naapektaran iti daytoy.
Kabayatanna, kinunana a nasayaaten ti kasasaad sadiay ngem agtaltalinaed latta kadagiti evacuation centers dagiti residente nga asideg iti nasao a bulkan.//Rose
