Panggep ni Vice Governor Ericson Tagel Felipe iti probinsya ti Benguet a maipaayan ti pondo dagiti nagduduma a panagadal wenno researches ti Benguet State University seknan ti agrikultura.
Iti panakiuman ti Bombo Radyo kenni Felipe , kinunana a nagadu dagiti napapateg a panagadal seknan ti agrikultura nga insaysayangkat ti nasao a pagadalan ngem adu kadagitoy ti saan a maim-implementar gapu iti kinakurang ti pondo.
Sigun iti nasao nga opisyal a naituding a makipatangda iti nasao a pagadalan tapnu maadal pay a nasayaat dagiti researchesda.
Kinuna iti bise gobernador a daytoy ket maysa laeng kadagiti kaskenan nga addang a maipatungpal tapnu mapasayaat pay ti kasasaad ti vegetable industry iti probinsya ti Benguet.
Innayonna a mabalin a manayunan ti bilang dagiti kita ti nateng a mabalin nga imula dagiti mannalon iti probinsya ti Benguet gapu ta ada dagiti panagadal a mangpasayaat kadagiti traditional farming dagiti mannalon tapno maksayan ti gastos dagitoy.
Nupay, awan paylaeng ti mailatang a pondo para iti daytoy, ikagumaan ti Sangguniang Panlalawigan ti Benguet a planoen a nasayaat dagiti sumaruno nga addang.
