Impanamnama ni Department of Energy Secretary Sharon Garin nga adda ti reserba a petrolyo ti pagilian a Pilipinas nga agbayag iti agingga 50 nga aldaw.
Daytoy ket iti baet ti panagdanag ti publiko gapu iti pabaliwbaliw a presyo nga intunda ti tension idiay Middle East.
Sigun kenni Garin, madama ti koordinasyon ti gobyerno ti Pilipinas iti dadduma a pagilian malaksid kadagiti traditional sources kas iti Middle Easter producers tapno makaala iti umdas a suplay.
Dinakamat ni Garin a mabalin a makaala ti pagilian iti suplay ti petrolyo manipud North America, South America, Europe, Africa ken dagiti pagilian iti Asya.
Impakaammo met ti nasao nga opisyal ti manamnama manen a panagngato ti presyo dagiti produkto a petrolyo inton sumaruno a lawas ngem awan paylaeng ti komputasyon nu manu ti ngumatoan dagitoy.
Iti agdama ket napagnumuan dagiti fuel retailers a gudwaen wenno i-stagger ti dakkel a panagngato ti presyo ti petrolyo kalpasan ti panagrikkep ti Strait of Hormuz a naapektaran iti tension iti nagbabaetan ti U.S-Israel ken Iran.
Maibasar iti kaudian a datus ti Energy Department, ngimmato ita a lawas ti presyo ti gasoline iti P7 agingga P13 tunggal litro, diesel iti P17.50 agingga P24.25 ken Kerosena iti P32 agingga P38.50 tunggal litro.
