Impeksa ni Solicitor General Menardo Guevarra a rumbeng a bay-an ti International Criminal Court (ICC) ti Pilipinas nga agaramid iti bukodna nga imbestigasion iti kontrobersial a kampania ti administrasion ni Duterte kontra iti iligal a droga.
Kinuna ni Guevarra a ti ICC ti rumbeng a tumulong iti imbestigasion ti gobierno ken “saan a ti sabali a wagas.”
Para kenkuana, tumulong kitdi kuma ti ICC iti gobierno ti Pilipinas tapno dagitoy ti mangisayangkat ti prosecution, ken nu siasinno ti maprosecute.
Impakaamo ti Solicitor General nga ammona dagiti report a sumrek dagiti tattao manipud iti ICC iti pagilian, ngem napaliiwna a maawatan ti gobierno ti Pilipinas ti mandato ti international court.
Maipalagip a manipod idi nagtakem ni sigud a President Rodrigo Duterte, naiyuswat ti kampaniana a war on drugs tapno mapukaw ti pangta ti droga, inruarna ti Pilipinas iti Rome Statute idi 2018, ken pormal a naikkat ti Pilipinas idi tawen 2019, ken sadiay a rinugian ti ICC ti umuna a panagimbestigar iti war on drugs ti administrasion.
