--Ads--

BAGUIO CITY – Agtultuloy a makaaw-awat ti opisina iti reklamo manipud kadagiti senior citizen seknan iti ‘not available’ nga agas iti Baguio General Hospital¬†and Medical Center Pharmacy.

Iti interview ti Bombo Radyo kenni Councilor Elmer Datuin, inlawlawagna a ti ipapaayda a guarantee letter ket pondo ti konseho nu sadino isu ti i-retrieve dagiti senior citizen iti BGH para iti kasapulanda nga agas.

Nupay kasta, kinunana nga ar-aramiden ti management ti kabaelanda tapno mareplenish ti stock-da iti pharmacy.

Innayon ni Datuin a nu adda man ti nawadwad a kuarta dagiti senior citizen ket gataenganda ladta ti kasapulanda nga agas kas iti generic medicines iti daduma a puesto a mangidia-diaya iti nababbaba a presyo.

Namnamaenda met a maipaayan kuma daytoy ti bufferstock nga agbayag agingga iti tallo a bulan tapno maipaay ti suplay ti agas a kasapulan dagiti maseknan.

Kabayatanna, maikonkonsidera a regional hospital ti BGH, maysa a makitkita a rason ti dagus a panakaibus ti stock ti agas iti pharmacy dagitoy.

Inyunay-unay ni Councilor Elmer Datuin kas kinuna ti management team ti BGH pharmacy nga ilakoanda dagiti senior citizen iti kasapulanda nga agas kadagiti gundaway nge emergency daytoy uray saanda nga imet ti bookletda.

Namnamaenna pay nga agtultuloy ti maipapaay a 20% discount kadagiti senior citizen nga agala kadagiti agasda laketdi adda ti presciption kas iti supplemental medicines dagitoy.

Iti sabali a bangir, kinuna ti nasao nga opisyal a namnamaenda ti panakapadakkel ti ‘Malasakit center ti BGH tapno umado dagiti maipangpangruna a maagasan ken mailibre iti bill (zero billing) iti medical treatmentna.

Impasigurado met ni Datuin a risrisuten ti nasao nga ospital ti backlog dagitoy.//Bombo Marinel Rodrigo