Impetteng ni Sen. Francis “Kiko” Pangilinan a kaskasdaaw a saan nga agresign ni DPWH Secretary Manuel Bonoan iti baet dagiti aligasion ken maatap a korapsion iti Flood Control Project ti Department of Public Works and Highways (DPWH).
Iti pannakiuman ti Bombo Radyo kenkuana, kinunana a Trillon pesos a gatad ti flood control ken ghost projects ti aligasion iti DPWH.
Gapu iti dayta, mas-masdaaw daytoy, no apay a saan paylaeng nga ag-resign ni Bonoan.
Sigun iti nasao a Senador, posible a nalusutan wenno saan a nasukimat ti nasao a sekretario ti Trillon pesos a korapsion wenno karaman daytoy iti korapsion.
Impetteng ni Pangilinan a posible a kinaawan kabaelan wenno korapsion ti rason a saan a nagresign ni Bonoan.
Innayonna a sigun kadagiti dadduma, saan a rumbeng nga agresign ti Secretary ti DPWH tapno maibestigaran.
Nupay kasta, kinunana a saan a gaputa nagresign ket makaliklik kadagiti kaso, makasuan latta no mapaneknekan a pudno dagiti aligasion.//mp4
