BAGUIO CITY – Impannakkel ti Department of Health (DOH) – a bassit laeng ti wastage kadagiti bakuna kontra iti COVID-19 ditoy rehiyon Cordillera.
Sigun kenni Dr. Anachris Kilakil, dadaulo ti Regional Vaccination Operations Center ti DOH-Cordillera, dumanon laeng iti 387 ti nasayang a bakuna iti first dose ken 286 a bakuna para iti maikadua a dose dagiti COVID-19 vaccines.
Inlawlawagna a kadawyan a rason no apay a nasayang dagitoy ket naibelleng dagitoy dagiti vaccinators.
Kinunana nga awan met ti major causes ti wastage kadagiti bakuna iti rehion a kas kuma ti expiration.
Kabayatanna, namnamaen ni Dr. Kilakil a marugyandan ti roll-out ti booster shots agingga agleppas ti agdama a bulan ti Nobyembre ditoy rehiyon partikular kadagiti health care workers ken dagiti senior citizens.
