Nagbalinen a legal ti same-sex marriage idiay Thailand ita nga aldaw kalpasan ti nasurok maysa a dekada a pannakaisakadna.
Daytoy ket kalpasan a pinaburan dagiti 130 a senador ti pannakaipasana kas linteg ken uppat laeng a senador dagiti saan a nangpabor.
Ag-epektibo ti same-sex marriage, 120 nga aldaw kalpasan a maipablaak wenno maisurat iti royal gazette.
Gapu iti daytoy, maibilang ti Thailand kas kaunaan a pagilian iti Southeast Asia a nangitulok iti panagasawa dagiti agpada a lalaki ken babai.
Nu iti entero nga Asya, ti Thailand ti maikatlo a pagilian a namagbalin a legal ti same-sex marriage nu sadino immuna ti Taiwan idi 2019 ken Nepal idi 2023.
Para kadagiti LGBTQ+ community, dakkel daytoy a balligi para kadakuada a nangilaban iti karbengan dagiti same-sex nga agkallaysa kas kadagiti heterosexual nga agasawa.
Sigun kenni Kittinun Daramadhaj, abogado ken presidente ti Rainbow Sky Association of Thailand, maysa kadagiti nangikamkampanya iti same-sex marriage a mabalin nga agserbi kas modelo ti pagilianda iti sangalubongan a mangipalubos iti marriage equality.
Iti sidong ti naipasa a linteg, maaddaan iti bileg dagiti same-sex couple nga agparehistro para iti legal a panagkasarda, pinansiyal ken medikal ken karbenganda nga agampon
