Impasigurado ti maysa kadagiti staff iti nasao nga establishemento a nakasagan a tumulong ti management iti kanito a makumpirmar a ti samgyupsalan nga imanmaneharda iti nakaalaan dagiti biktima iti food poisoning.
Nupay kasta, nagkedked ken saan a kayat a mangipaay iti statement ti ag-tagikua iti samgyupsal buffet a maatap a nakaalaan dagiti bisita iti syudad iti food poisoning iti laksid iti isyu a sangsangwen iti nasao a buffet.
Iti panakiuman ti Bombo Radyo kadagiti staff iti nasao a samgyupsalan, saan paylaeng nga umanugut dagitoy a mangiruar iti statement ita gapu ta manarimaan paylang iti imbestigasyon nga isaysayangkat dagiti otoridad tapno maamuan ti nasao a food poisoning iti enero kwatro ita a tawen.
Impasigurado pay dagiti staff ti samgyupsalan a kalpasan ti imbestigasyon ket mangiruar dagitoy iti statementda.
Kabayatanna, under strict monotoring ita ti samgyupsalan ken naipaayan daytoy iti sanitary order a nakalanad dagiti rekomendasyon a rumbeng a suruten dagitoy kas iti panagsuot kdagiti PPE, adda iti pest control ken dadduma pay .
Namin dua a naisayangkat ti inspection ken monitoring dagiti kameng iti sanitary unit ket natakwananda nga awan ti umno wenno proper labeling dagiti taraon ken drinks dagitoy.
Malaksid iti dayta naduktalan a ti danum a mainum nga iserserve dagitoy ket saàn a nakapasa iti safe water standard.
Impetteng ti maysa nga opisyal manipud iti sanitary unit a marigatan dagitoy a mangberipikar gapu ta naibusen dagiti umuna a batch nga inserveda iti napasamak iti food poisoning agsipud ta napasamak ti insidente idi lunes ngem idi laeng huebes ti panang-inspect dagitoy.
Iti sabali a bangir, kumpyansa dagitoy a ti samgyupsalan iti nakaalaanda iti diarrhea wenno food poisoning.//via Bombo Noveh Organo
