--Ads--
BAGUIO CITY – Nangipasa iti courtesy resignation dagiti sangapulo ket lima a colonel ken dua a heneral iti Cordillera kas panangsuportada iti kiddaw ni Interior Secretary Benjamin Abalos Jr.
Iti interview ti Bombo Radyo Baguio, mamati ni DILG-Cordillera Regional Director Araceli San Jose a nasayaat ti performance dagiti police personnel iti rehiyon.
Dinakamatna nga agingga inton Enero 31 ti naituding a deadline iti panangipasa ti courtesy resignation.
Maipalagip a maysa ni Baguio City Mayor Benjamin Magalong kadagiti 5-man panel a mangtingiting kadagiti maipila a courtesy resignation dagiti Colonel ken Heneral.//Bombo TJ Jaravata
