BAGUIO CITY – Napilaan ti kaso nga estafa ken illegal recruitment ti dua nga scammer kalpasan a biniktimada ti sangapulo ket maysa nga indibidual.
Ti kaso ket impila ti 34-anyos a babai, manipud Benguet.
Maibasar iti reklamo dagiti biktima iti La Trinidad Municipal Police Station, nagpammarang dagiti dua a suspek nga adda ti otorisasyonda nga agrecruit, agdeploy ken agtrain kadagiti biktima tapno makapagtrabaho dagitoy sadiay Tokyo, Japan.
Nupay kasta, naduktalan laengen dagiti biktima nga awan ti lisensiya ken otorisasyon dagiti suspek.
Nakumbinsir pay dagiti biktima nga agbiahe iti Ninoy Aquino International Airport sadiay Metro Manila para iti panagbiahe dagitoy paturong sadiay Japan ngem saan a napasamak.
Mapatta patta a dumanon iti P2.4 million ti inala dagiti suspek kadagiti biktima.
Im-imbestigaran ita dagiti otoridad ti nasao nga insidente para iti panakatiliw dagiti suspek.
This is a developing report….
