Agtaltalinaed a nakaserra dagiti sangapulo ket pito a major roads ken rangtay iti intero a pagilian, kalpasan a nadadael dagitoy gapu iti panangdalapus ti bagyo a Kristine.
Sigun iti Department of Public Works and Highways, saan a madalanan dagitoy gapu kadagiti naipullat a pitak, bato kend dadduma pay.
Masarakan dagiti nasao a kalsada ken rangtay iti Cordillera, Ilocos, Central Luzon, Calabarzon, Mimaropa, Bicol ken Western Visayas.
Innayon ti nasao nga ahensia nga agtaltalinaed a limitado ti pagserkan iti sangapulo ket tallo a kangrunaan a paset ti kalsada, nu sadino maysa iti Cordillera, dua iti Calabarzon ken sangapulo iti Bicol.
Kabayatanna, kinuna ni Department of Public Works and Highways Secretary Manuel Bonoan a saan a kabaelan a solusionan ti engineering dagiti nalawa a panaglayos a mapaspasaran ti pagilian.
Nupay kasta, kinuna na a kasapulan ti wholeistic approach tapno masolbar ti parikut nga intuntunda dagiti bagyo a sumsumrek iti Philippine area of responsibility tunggal tawen
