Kasapulan nga addaan iti sangapulo ket uppat a parameters to Dangerous Drugs Board ti maysa a barangay, sakbay a maideklara kas “Drug-cleared” ti status daytoy, sigun kenni Philippine Drug Enforcement Agency Cordillera Regional Director Laurefel Gabales.
Sigun iti nasao nga opisial, maideklara kas Drug-cleared ti masya a Barangay apaman nga agsurrender ken makemmeg amin dagiti drug personalities nga adda iti listaan ti Philippine Drug Enforcement Agency.
Mainaig iti dayta, naiyunay-unay a saan a maapektaran ti status ti maysa a drug-cleared barangay, iti baet a maaddaan daytoy iti newly identified drug personalities, gaputta saan pay dagitoy a karaman iti listaan ti nasao nga ahensia.
Malaksid iti dayta, kasapulan a sustainability ti maysa a Barangay sakbay a mabigbig kas drug-cleared.
Kabayatanna, maguyguyuguy dagiti dagiti opisial ken residente kadagiti babarangay a makitinnulongda para iti pannakabigbig ken pannakakemmeg dagiti baru a drug personality nga adda iti lugar dagitoy.
