Sigun iti imbestigasyon, nabayagen a makapadpadas ti school bullying ti maysa kadagiti suspek.
Innayon ti otoridad idiay Tacloban a plinano dagiti dua nga suspek ti panangipatungpalda iti panangatakeda iti pagadalan gapu ta maysa nga aldaw sakbay ti insidente, nangipablaak pay dagitoy iti ladawan iti social media no sadino makita nga adda ti iggemda a paltog.
Sigun pay laeng iti imbestigasyon, immet dagiti dua a suspek ti dua a paltog; maysa nga 9mm pistol a nakarehistro iti maysa a policewoman iti Police Regional Office ti Eastern Visayas ken maysa a 0.38 caliber revolver a nakarehistro iti maysa a private security agency a naka-base idiay Cebu City.
Imimbestigaran pay laeng mabigbigda nu kasano a naala dagiti suspek dagiti inaramatda a paltog.
Gapu iti nasao nga insidente, adadda a papigsaen ti Tacloban City Police Office dagiti addang tapno masigurado ti seguridad iti nasao a siudad nangnagruna kadagiti pagadalan no sadino maipatungpa ti ti nainginget nga inspeksyon, mandatory a panagkapkap sakbay a makauneg dagitoy kadagiti pagadalan.
Ikonkosidera metlaeng ita ti Department of Education – Regional Office 8 ti panangimuntar kadagiti metal detentors kadagiti pagadalan tapno dagos a mabigbig nu adda ti immet nga armas dagiti umuneg ken rumwar kadagiti pagadalan.
Nakikoordinar metten ti lokal a gobyerno ti Tacloban kadagiti dadumma nga ahensya tapno maipaay ti tulong kadagiti biktima pakairamanan ti panangipaay ti psychological first -aid babaen iti City Social Welfare and Development Office para kadagiti estudyante, mannursuro ken parentes.
Kabayatanna, dumanon metten iti 13 dagiti bilang ti nadangran. Karaman dagitoy dagiti nakasagrap iti minor injuries, ken nasugatan gapu kadagiti nabuong a sarming dagiti klasrum ken dadduma pay.
Iti kaudian a report, agpatpatamingen amin dagitoy kadagiti pagagasan.
Iti sabali a bangir, naitransport metten dagiti bangkay dagiti tallo a pimmusay kadagiti funeral homes iti nasao a lugar. Sigun kadagiti otoridad, agpapada nga Grade 9 dagiti nasao a biktima.
Iti panagtultuloy ti imbestigasyon, naamuwan nga adda ti maysa a target dagiti suspek. Nupay kasta, saan a karaman daytoy kadagiti napaltoganda ken kadagiti nadangran.
Iti agdama, gtultuloy pay laeng ti imbestigasyon dagiti otoridad nu kasano a naala dagiti nasao a suspek dagiti paltog nga inaramatda.
Maururay metten ti referral para kadagit suspek sakbay a maiturn-over dagitoy iti Department of Social Welfare. //bombokaren.c.sapirao
