Impakaaamo ti Police Regional Office 8 (PRO-8) nga agtultuloy ti imbestigasyon iti napasamak nga insidente a nakairamanan ti dua a menor de edad wenno two Children in Conflict with the Law (CICL) idiay San Jose National High School idiay Barangay 87 San Jose Tacloban City idi kalman.
Ti nasao nga insedente, nangitunda iti ipupusay ti upat nga indibidual ken panakadunor iti agarup 20 nga indibidual.
Sigun kadagiti otoridad, addan dagiti dua a menor de edad iti kustodiya ti Department of Social Welfare and Development (DSWDO) para iti umno nga intervention kas maitunos iti linteg ken pagalagadan maipanggep kadagiti children in conflict with the law.
Kas paset iti imbestigasyon, dinmalan metlaeng dagitoy iti paraffin examination.
Kabayatanna, naduktalan dagiti otoridad a ti maysa a maltog nga inaramat dagiti suspek a 9mm Glock pistol ken nakarehistro iti maysa a babae a Police Non-Commissioned Officer a naka-asign iti maysa a support unit.
Gapu iti daytoy, naterminate ti designation na ken naipasidung daytoy iti restrictive custody.
Impanamnama met ti Police Regional Office 8 (PRO-8) nga agtuloy ti imbestigasyon ken siguradoenda a sumungbat dagiti amin a responsable iti nasao a krimes.
“We assure the public that all investigative and legal procedures are being conducted thoroughly, impartially, and transparently. We remain committed to uncovering the facts surrounding this incident and ensuring that all persons found responsible are held accountable under the law. We likewise continue to coordinate closely with concerned agencies to guarantee that justice is served and that similar incidents are prevented in the future,” sigun kenni PBGEN JASON L CAPOY, Regional Director, PRO 8. //bombokaren.c.sapirao
