Imbinglay ni Senate President Pro Tempore Panfilo “Ping” Lacson a kasapulan a maipaayan ti gundaway da Senador Ronald “Bato” Dela Rosa ken Christopher Lawrence “Bong” Go a mangaramat iti amin a legal remedies seknan iti posible a panangsangoda ti kaso iti International Criminal Court (ICC).
Innayon ni Senator Lacson, kasapulan nga ikonsidera latta ti lokal a korte ken ti proseso iti Pilipinas iti anyaman nga addang nga isayangkat ti International Criminal Court (ICC) kalpasan iti panangdakamat ti korte kada Senators Go ken Dela Rosa kas co-perpetrators ti kampanya ni sigud a President Duterte a war on drugs.
Sigun kenkuana, nu adda dagiti iruar nga warrant of arrest ti International Criminal Court wenno anyaman a foreign country, kasapulan a dumalan pay daytoy iti lokal a korte tapno daytoy ti mangipatungpal ti kaskenan nga addang sakbay a maisayangkat ti imbestigasyon.
Inlawlawag ti senador a talantanen ti senado dagiti posible nga addang pakairamanan ti anyaman a tulong a mabalin nga maipaay kadagiti dua nga senador. // Bombo Karen Calpoe Sapirao
