Inaklon ni Senate President Pro Tempore Panfilo Lacson nga inawis daytoy dagiti sumagmamano a retirado nga opisial ti militar nga agbalin a paset ti “civil-military junta.”
Nupay kasta, kinuna ni Senate President Pro Tempore Lacson a saanna nga inawat ken saanna a pulos a patulan daytoy.
Sigun iti Senador, rimmsua daytoy a singasing gapu iti pungtot ti publiko iti korapsion, pakairamanan dagiti naanomalyaan a flood control projects iti pagilian.
Nupay kasta, impaganetgetna nga aniaman a junta, “transition council,” wenno military “reset” ket maikontra iti Konstitusion.
Kiniddaw pay ni Lacson nga itultuloy ti panangbabalaw iti korapsion, ngem saan nga isakripisio ti 1987 Constitution.
Namnamaen met daytoy a saan a mapasamak ti military-backed intervention agsipudta, awan ti maipaay daytoy a nasayaat iti pagilian.
