Inrekomendar ti House Quad Committee (QuadComm) a mapilaan iti kaso da sigud a President Rodrigo Duterte, Senators Bato dela Rosa ken Bong Go ken dagiti kakadua dagitoy seknan paylaeng iti drug war deaths bayat ti Duterte administration.
Daytoy ket kalpasan ti pannakaimbestigar ti illegal drug trade ken illegal operations dagiti Philippine offshore gaming operators scam hubs iti Pilipinas.
Gapu iti dayta, ditoy a naduklatan bayat kadagiti sangapulo ket tallo a daras a panagdengngeg dagitoy nga adda ti reward system a pundo para iti pannakapapatay dagiti rinib-ribu nga indibidual a karaman iti iligal a droga.
Kinuna ni QuadComm lead chairperson ken Surigao del Norte Rep. Ace Barbers a daytoy ket gapu iti panaglabsingda iti Republic act 9851 wenni ti Philippine Act on Crimes Against International Humanitarian Law, Genocide and Other Crimes Against Humanity.
Innayonna metlaeng a ti drug war bayat ti administrasyon ni sigud a President Duterte ket panangabuso iti pannakabalin ken institutional impunity.
