Pinaglibakan ni sigud a President Rodrigo Duterte ti mapapati a “reward system” para kadagiti police officers iti panangpapatayda kadagiti drug suspeks.
Kasaruno daytoy iti kinuna ni Royina Garma, sigud a general manager ti Philippine Charity Sweepstakes Office (PCSO) a naipaay ti kwarta kadagiti sumagmamano a pulis, kasukat ti panangpapatayda kadagiti drug suspek kabayatan ti war on drugs iti administrasion ni Duterte.
Sigun kenni Duterte, awan ti polis a mangaksiptar iti nasao a katulagan, no daytoy ti rason iti pakaibaludan dagitoy.
Maipalagip nga impablaak ni Garma iti panagdenggeg iti quad committee iti House of Representatives a personal a kiniddaw ni Duterte kenkuana nga agbiruk iti mangidaulo iti anti-drug campaign.
Nupay kasta, impaganetget ni Duterte a ti pammilia kadagiti otoridad ket nalawag nga arestarenda laeng dagiti drugs suspek ngem idepensada ti bagida no agpeggad ti biagda.
Inyunay-unay ni Duterte nga ti ipapaayna laeng apaman a balligi ti operasion ket imbetiranna dagitoy a mangan iti restaurant.
Kabayatanna, kinuna ni Duterte a situtulok daytoy a makitinnulong iti agtultuloy nga imbestigasion iti House of Representatives ken iti plano a parallel investigation iti Senado.
