BAGUIO CITY -Insuko ti Munisipal Mayor ken Vice Mayor ti Pilar, Abra babaen kadagiti legal councel dagitoy iti siyam a paltog sadiay Brgy. Poblacion, Pilar, Abra.
Maibasar iti report, karaman kadagiti naisuko a paltog ti innem a pistol, 2 a shotguns, ken maysa a revolver.
Sigun iti report ti Abra PPO, insuko ni Pilar Abra Mayor Mark Roland Somera ti walo a paltog a nakairamanan ti maysa a Cal. 40 pistol, Cal. 357 maysa a revolver, dua a pistol Cal. 45, maysa a 12 Gauge shotgun, ken tallo a Cal. 9mm pistol.
Kabayatanna, insuko met ni Pilar Abra Vice Mayor Josefina “Jaja” Disono ti maysa a 12 Gauge shotgun.
Amin dagiti naisuko nga igam ket adda ita iti kostudiya ti Regional Civil Security Unit (RCSU) para iti umno a disposition.
Maipalagip a napasamak ti maysa a shoot out kadagiti security aides ni Vice Mayor Disona kontra kadagiti kameng ti pulisya idi March 29, 2022 kasaruno iti saan a panangikankano ti kampo ni Disono iti manarimaan a COMELEC checkpoint sadiay Pilar, Abra
Nagresulta met daytoy iti ipupusay iti maysa kadagiti secutiry aid ti Bise Mayor ken isusuko dagiti 12 pay a security aides daytoy pakairamanan dagiti 14 a nagduduma a paltog.
