Pimmusay ti agarup siyam a Palestinian kalpasan ti panagatake ti Israel iti Central Gaza Strip ita nga aldaw bayat a paturong dagitoy iti akin-abagatan ti Rafah.
Iti napalabas a baente kwatro oras, dumanon iti agarup walo pulo ket maysa a Palestinian ti pimmusay bayat nga agarup 198 nga indibidual ti nadangran.
Sigun kadagiti health officials, iti maysa nga air strike ti Israel iti Al-Zawyda idiay Central Gaza Strip ket dumanon iti walo ti pimmusay.
Sigun kadagiti militar ti Israel, panggep dagitoy nga ikkaten ti terrorist cell ken launcher dagiti Palestinians a maus-usar kontra kadagitoy.
Kabayatanna, inkari ti Israel a pukawenda dagiti Hamas kalpasan ti panakapapatay dagiti 1,200 nga indibidual ken panakahostage dagiti 250 a katao idi Oktubre 7, 2023.
