Imbinglay ni Ombudsman Jesus Crispin Remulla a nagbalinen a kadakkelan a negosio dagiti sumagmamano a mayor iti intero a pagilian ti “garbage collection”.
Sigun kenni Remulla, dandani amin a local chief executives ket nainaig kadagiti iregularidad iti waste management contracts, malaksid laeng iti Pasig City.
Nupay kasta, saan a binigbig ni Remulla ti aniaman nga opisial, kontrata, wenno agtultuloy nga imbestigasion tapno mapaneknekan ti alegasion daytoy.
Kabayatanna, binabalaw ti opisial ti Department of Environment and Natural Resources (DENR) gapu iti maatap a kinakurang dagitoy iti waste management, land titling, ken illegal reclamation.
Impaganetget ni Remulla a kasapulan a mapapigsa ti accountability ken lapdan ti “impunity” iti gobierno.
