Sumagmamano a micro, small, and medium enterprises manipud kadagiti 13 municipalities iti Benguet ti makipasset iti sumaruno a Kadiwa ng Pangulo iti baet a saan a nalako amin a produkto dagitoy idi napalabas a lawas.
Sigun kenni Jaylyne Abance, maysa nga entrepreneur iti munisipyo ti Tublay ti nagyaman iti oportunidad nga impaay ti provincial government ti Benguet tapno mailakoda dagiti nagduduma a produkto dagitoy bayat ti maysa a lawas a Kadiwa ng Pangulo sadiay Wangal ken Benguet Capitol.
Maipalagip a sumagmamano kadagiti entrepreneurs iti 13 a munisipyo ti immakar sadiay Capitol Lobby gapu ta saan met a magatang dagiti ilaklako dagitoy a produkto sadiay Wangal nga inisyal a planoda kas paset ti CARAA Meet 2025.
Nopay kasta, kinunani Abance a saan dagitoyen nga immakar sadiay Capitol gapu ta narigat manen para kadakuada a bunagen dagiti materyalesda nga iyalisda sadiay Capitol.
Nupay makuna daytoy a bassit ti gimmatang kadakuada ta kadawyan met a naggatang kadagitoy ket dagiti mannursuro a nakipaset iti naglabas a CARAA Meet rason a saan met dagitoy a nalugi.
Imbinglayna pay a kadawyan a lakoda a cooked foods ket saan a nagatang isunga nakuna daytoy nga inyawidda laengen para iti consumptionda.//Bombo Genzel Depayso
