--Ads--
BAGUIO CITY – Umdas ti suplay ti danum a pangsibog dagiti mannalon kadagiti mula dagitoy iti strawberry farm idiay La Trinidad, Benguet.
Sigun kenni Miner Watawat, strawberry farmer, nakaurnongda ti danum gapu iti nagsasaruno a panagtudtudo-na idi napalpalabas nga aldaw.
Kabayatanna, kinuna ni Watawat a bumasbassiten ti suplay ti strawberry gapu ta off-season dagitoy.
Nupay kasta, kinunana a pagamkanda ti posible a panaglayos iti strawberry farm gapu ta dagus a maur-urnong ti danum sadiay.
Iti interview ti Bombo Radyo kenkuana, kasapulan ti kanayon a panagdalus kadagiti kanal tapno mawayaan ti pagnaan ti danum ken maliklikan ti panaglayos.//Bombo Jez Lapizar
