BAGUIO CITY – Maisagsaganan ti kaso a murder ken frustrated murder kontra kadagiti uppat a suspek a nangpalpaltug iti dua a dental technician sadiay San Juan, Tabuk City, Kalinga idi kalman ti parbangon.
Immunan a nabigbig ti gun man a ni Hansky Casingoy Sagmayao, 21-anyos bayat a dagiti kakadwana ket da Marvin Cuta Guevara, 21-anyos; Bryan Bulawit Baggas, 23-anyos ken Edward Wanson Palat, 33-anyos, bin-ig a tubo ti Basao, Kalinga ken residente ti Islao Basao, Tabuk City, Kalinga.
Immunan a nabigbig ti pimmusay a biktima a ni Joegie Valera Cabicungan, 37-anyos bayat a ti nadangran ket ni Orland Dave Pascual alyas Sadam, agpada a residente ti Bulanao, Tabuk City, Kalinga.
Iti inisyal a report, agpada nga agin-inom dagiti biktima ken ti suspek iti sangwanan ti resto bar.
Nupay kasta, killaat a timmakder ti suspek ken immasideg iti table dagiti biktima ken ditoy a pinalpaltuganna iti namin-adu a daras.
Dagus a timmaray ti suspek ken dagiti kakadwana kalpasan ti insidente ngem nakemmeg metlaeng dagitoy babaen iti hot pursuit operation dagiti otoridad.
Naka-detain ita dagiti suspek iti Tabuk City Police Station.
