Mapatta-mapatta a sumrek ti dua agingga tallo a bagyo iti Philippine Area of Responsibility inton Hulyo.
Maibasar iti historical climatological data, binigbig ti Philippine Atmospheric, Geophysical, and Astronomical Services Administration (PAGASA) dagiti tallo a primary tracks a posible a suroten dagiti tropical cyclones wenno bagyo iti nadakamat a bulan.
Manamnama nga agturong dagiti dadduma a bagyo iti amianan a paset ti Philippine Area of Responsibility sakbay nga agturong iti pagilian a Taiwan a saan nga agland-fall iti pagilian bayat a dagiti dadduma a bagyo ket agland-fall iti extreme northern islands ti pagilian sakbay nga agturong iti pagilian a China wenno Hong Kong.
Manamnama metlaeng nga agturong ken agland-fall dagiti dadduma a bagyo iti northern ken central parts ti Luzon island sakbay nga agturong iti pagilian a Vietnam.
Maibasar iti datus ti PAGASA, sipud tawen 1948 agingga 2023, masansan a mapaspasaran ti ado a bagyo iti bulan ti Hulyo, Agosto ken Setyembre.
Mapatta-patta met a sangapulo agingga sangapulo ket innem a bagyo ti manamnama a sumrek iti pagilian ita a tawen, sag-dua wenno sag-tallo inton Hulyo, Agosto, Setyembre, Oktobre ken saggaysa wenno sag-dua inton Nobyembre ken Disyembre.
Iti agdama, maysa pailaeng ti napasaran a bagyo a naawagan ti Typhoon Aghon idi Mayo.
