--Ads--
Nadangran ti tallo a Pilipino a mangngalap, kalpasan ti water cannon attack nga inaramid ti China idi December 12, 2025.
Malaksid iti dayta, nadadael pay dagiti bangka dagitoy.
Sigun iti Philippine Coast Guard (PCG), napasamak ti kauddian a water cannon iti Escoda (Sabina) Shoal nga asideng sadiay Palawan.
Kabayatanna, kinuna ti China Coast Guard (CCG) a napaikkatda ti eroplano ti Pilipinas manipud iti airspace ti Panatag (Scarborough) Shoal.
Maipalagip a daytoy ti kaudian a komprontasion iti nagbaetan dagiti barko Pilipinas ken ti China.
Mainaig paylaeng daytoy iti ibagbaga ti Beijing a teretorioda ti West Philippine Sea, iti laksid ti internasional a pangngeddeng nga awan ti legal a nakaibatayan daytoy.
