Innaklon ti tallo a Pilipin a naarestar gapu iti maatap a pakainaiganda iti panag-espiya ti China.
Ti nasao a pasamak ti maipanggep iti Chinese intelligence a nagala ken nangiwaras iti sensitibo nga impormasyon seknan iti operasyon ti Pilipinas idiay West Philippine Sea, sigun iti National Security Council (NSC).
Sigun kenni National Security Council (NSC) spokesperson Assistant Director General Cornelio Valencia Jr., dagiti naarestar nga indibidwal ket adda koneksyoda iti Department of Defense ken Philippine Navy.
Innayon ni Valencia a karaman kadagiti naaresar ket maysa nga empleyado ti Department of Defense, maysa manipud Philippine Navy, maysa a researcher ti Navy, ken maysa pay nga indibidwal a nasinged iti maysa nga opisyal ti Philippine Coast Guard nga adda access na kadagiti importante a datos ti pagilian.
Dinakamat ti opisyal a karaman kadagiti naala a datos ket ti listaan dagiti tauhan ti Philippine Navy nga adda pakainaiganna iti operasyon idiay West Philippine Sea kasta meten dagiti detalye ti operasyon kas iti iskedyul ket impormasyon seknan iti rotation ken resupply (RoRe) missions.
Sigun iti ahensiya, nabigbig ken nalapdan ti otoridad ti nasao nga espionage ken dadduma pay a “foreign-directed malign activities” a maatap nga inaramid dagiti Pilipino nga adda iti sidung ti Chinese intelligence.
Iti agdama, awan pay laeng ti imparuwar ti otoridad a nagan ken lokasyon ti tallo a suspek gapu iti national security ken seguridad metlaeng dagiti natiliw.
Imbinglay ni Valencia a makikokooperar met dagiti suspek iti imbestigasyon kabayatan iti panagadal ti legal team nu anya a kaso ti maipatawe kontra kadakuada. //Bombo KCS
