Tiniliw ti National Bureau of Investigation (NBI) ita nga aldaw ti tallo nga indibidual a mapapati nga adda iti likudan ti pannaka-hack ti sumagmamano a website ti gobierno.
Karaman kadagiti naireport a na-hack ti website dagitoy ket ti Philippine Army, Philippine Navy, ken ti National Security Agency.
Nasubli ti National Bureau of Investigation (NBI) dagiti impormasion a kas ti “scripts” ken “database” ti lokal a gobierno ken dadduma pay a website ti gobierno.
Malaksid iti dayta, naala metlaeng ti datos ken “security credentials” ti agarup lima a bangko manipod iti maatap a suspek.
Napilaanen ti reklamo dagiti tallo nga indibidual iti panaglabsing ti Cybercrime Prevention Act of 2012 ken ti Data Privacy Act of 2012.
Sigun kenni NBI Director Jaime Santiago, dagiti tallo nga indibidual ket miembro ti hacking group a “LulzSec”.
Kabayatanna, kinuna ni NBI cybercrime chief Jeremy Lontoc a maysa kadagitoy ket data officer iti media organization, ti maysa ket “cyber security researcher” iti maysa a kompania bayat a ti maikatlo ket “graduating student”.
